پاکستان کے معروف انگریزی روزنامے دی نیوز کے ساتھ جیو نیوز کے خصوصی سیگمنٹ ’سچویشن روم‘ کے اینکر مبشر ہاشمی کے سوشل میڈیا اکاؤنٹس بھی بھارت میں بند کردیے گئے۔
اداکار فواد خان اور پی ایس ایل کی فرنچائز لاہور قلندرز کے سوشل میڈیا اکاؤنٹس بھی بھارت میں بند کردیے گئے، پاکستانی ٹیم کے کپتان محمد رضوان اور اسٹار بلے باز بابر اعظم کے انسٹاگرام اکاؤنٹس بھی بھارت میں بلاک کردیے گئے ہیں۔
اس سے پہلے بھارت میں ڈیجیٹل اور سوشل میڈیا پر دنیا بھر میں سب سے زیادہ دیکھے جانے والے مقبول ترین پاکستانی نیوز چینل ’’جیو نیوز‘‘ جیو گروپ کے دو مزید چینلز ’’ہنسنا منع ہے‘‘ اور ’’جیو سوپر‘‘ کو بھی ڈیجیٹل اور سوشل میڈیا پر بند کیا جا چکا ہے۔
ماہرہ خان اور ہانیہ عامر سمیت کئی پاکستانی فن کاروں اور ایتھلیٹ ارشد ندیم کے سوشل میڈیا اکاؤنٹس بھی بھارت میں بند کیے جاچکے ہیں۔
