نیکوسیا (اے ایف پی) غزہ کے لیے امدادی جہاز کا انتظام کرنے والے کارکنوں کے ایک گروپ نے گزشتہ روزکہا کہ مالٹا کے قریب بین الاقوامی پانیوں میں غزہ جانے والے جہاز پر اسرائیلی ڈرونز نے حملہ کیا۔گروپ نے ایک بیان میں کہا کہ مالٹائی وقت کے مطابق تقریباََ بارہ بج کر 23 منٹ پربین الاقوامی پانیوں میں فریڈم فلوٹیلا کولیشن کا ایک جہاز براہ راست حملے کی زد میں آیا۔اس نے اسرائیل کو مورد الزام ٹھہراتے ہوئے مزید کہا کہ مسلح ڈرونز نے ایک غیر مسلح سویلین جہاز کے اگلے حصے پر دو بار حملہ کیاگیا، جس سے آگ لگ گئی اور جہاز کے ڈھانچے میں کافی حد تک شگاف پڑ گیا ۔
