وفاقی وزیر صحت مصطفیٰ کمال نے کہا ہے کہ پوری دنیا مل کر غزہ کے بچوں کو سر نگوں نہیں کر سکی، بھارت پاکستان کو جھکانے کے خواب دیکھنا چھوڑ دے، ہم نے جوہری اثاثے شب برات پر پٹاخے پھوڑنے کیلئے نہیں بنائے ہیں۔
اسلام آباد میں گفتگو کرتے ہوئے مصطفیٰ کمال نے کہا کہ خیبر پختونخوا اور بلوچستان میں بھارت کے دہشتگردی میں ملوث ہونے کے ثبوت موجود ہیں۔
وزیر صحت نے کہا کہ کراچی میں “را” کو بھگت چکے، کراچی میں 23 سال چلنے والے “را” کے محاذ کا خاتمہ بھی ہمارے ذریعے ہوا۔
