مقبوضہ کشمیر کے علاقے پہلگام میں ہونے والا فائرنگ کا واقعہ ایک مرتبہ پھر فالس فلیگ آپریشن ثابت ہوگیا۔ ایک ویب سائٹ نے بھارتی خفیہ ایجنسی ’را‘ کے دستاویزات لیک کردیے۔
مبینہ لیک دستاویز میں پہلگام فالس فلیگ آپریشن کی مکمل منصوبہ بندی موجود ہے، جس گروپ پر واقعے کا الزام لگا انہوں نے اپنی ویب سائٹ پر دعویٰ کیا کہ یہ ڈاکومنٹ را کا ہے۔
ویب سائٹ پر را کے دستاویزات کے حوالے سے دعویٰ کیا گیا کہ ضلع اننت ناگ میں ایک کارروائی عمل میں لائی جائے گی، میڈیا کو 36 سے 48 گھنٹے پہلے واقعے کی جگہ متحرک کیا جائے گا۔
اس ویب سائٹ پر را کے دستاویزات کے حوالے سے دعویٰ کیا گیا کہ سیاحوں کی آمد و رفت کی نگرانی کے بہانے فیلڈ آپریٹرز لگائے جائیں گے، حملے کے 2 سے 4 گھنٹے کے اندر اے آئی سسٹم کے تحت گواہوں کے بیانات لیے جائیں گے۔
یہ بھی دعویٰ کیا گیا ہے کہ دھندلی ویڈیوز کی مدد سے واقعے کی تصویریں دوبارہ بنائی جائیں گی۔
ویب سائٹ کا دعویٰ ہے کہ مرکزی ہیش ٹیگ کے بجائے 200 سے زائد سوشل میڈیا اکاؤنٹس سے غلط معلومات کی مہم چلائی جائے گی اور پاکستان پر الزام لگانے کےلیے ٹرینڈز کو بغیر کنٹرول کے پھیلایا جائے گا۔
ویب سائٹ کے مطابق بحث کا رخ کشمیر سے ہٹا کر عالمی اسلامی سازشوں کی طرف موڑنے کی کوشش کی جائے گی، یہ آپریشن امریکی نائب صدر جے ڈی وینس کی سفارتی موجودگی میں کیا جائے گا۔
ویب سائٹ پر را کے دستاویزات کے حوالے سے دعویٰ کیا گیا ہے کہ اس واقعے کو ابھارنے کے لیے یہ وقت بہت اہم ہوگا۔
یاد رہے کہ مقبوضہ کشمیر کے سیاحتی مقام پہلگام میں 22 اپریل کو ہونے والے فالس فلیگ آپریشن میں 26 افراد ہلاک ہوئے تھے۔
