پاکستان شوبز انڈسٹری کی معروف اداکارہ کومل میر نے وکالت کی ڈگری حاصل کرلی۔
کومل میر نے فوٹوز اینڈ ویڈیوز شیئرنگ ایپ انسٹاگرام پر لندن سے اپنی کانووکیشن کی تقریب کی کچھ ویڈیوز اور تصاویر شیئر کی ہیں۔
اُنہوں نے یہ ویڈیوز اور تصاویر شیئر کرتے ہوئے کیپشن میں لکھا کہ میں نے گریجویشن کرلی ہے!
اداکارہ نے مزید لکھا، “یہ آسان نہیں تھا لیکن اپنے والدین کے خوابوں کو کبھی نظرانداز نہ کریں!”
کومل میر کی اس پوسٹ پر اُنہیں مداحوں اور شوبز انڈسٹری کی معروف شخصیات کی جانب سے وکالت کی ڈگری حاصل کرنے پر مبارکبادیں بھی دی جا رہی ہیں۔
دوسری جانب اداکارہ کی پوسٹ پر سوشل میڈیا صارفین کی جانب سے دلچسپ تبصرے بھی کیے جا رہے ہیں۔
ایک صارف نے لکھا کہ یہ فنکاروں کی اچانک گریجویشن کیسے ہو جاتی ہے، پورا سال کچھ پڑھتے لکھتے تو نظر نہیں آتے اور ایک ہم ہیں جن کی شکل ہی بتا دیتی ہے ڈگری نے نیندیں حرام کی ہوئی ہیں۔
