پاک بھارت کشیدگی کے باعث بمبئی اسٹاک ایکسچینج کا سینسیکس بھی منفی ہوگیا۔
بمبئی اسٹاک ایکسچینج کا سینسیکس 52 پوائنٹس کم ہو کر 80 ہزار 235 ہے۔
دوسری جانب پاکستان اسٹاک ایکسچینج (پی ایس ایکس) میں آج کاروبار کے دوران شدید مندی کا رجحان ہے۔
بازارِ حصص کا 100 انڈیکس 3 ہزار 646 پوائنٹس کی کمی سے 1 لاکھ 11 ہزار 226 پر آ گیا۔
واضح رہے کہ مقبوضہ کشمیر کے علاقے پہلگام میں بھارت کے فالس فلیگ آپریشن میں 26 افراد ہلاک ہوئے تھے جس میں بڑی تعداد سیاحوں کی تھی۔
بھارت نے روایتی انداز میں اس حملے کا الزام پاکستان پر عائد کیا جسے پاکستان نے مکمل طور پر مسترد کر دیا۔
