جنوبی بھارت کی تیلگو اور تامل فلموں کی معروف اداکارہ سمانتھا رتھ پرابھو کے ایک بہت زیادہ چاہنے والے پرستار نے ان کی 38ویں سالگرہ پر آندھرا پردیش میں انکے نام پر مندر تعمیر کروا کر اسے خوب سجایا اور غربا و مساکین کو کھانا بھی کھلایا۔
یاد رہے کہ سمانتھا کی برتھ ڈے 28 اپریل کو منائی جاتی ہے اور اس مرتبہ انکی سالگرہ پر انکے پرستار نے ٹیمپل آف سمانتھا آندھرا پردیش کے علاقے باپاٹلا میں تعمیر کروایا ہے۔
بعدازاں اس پرستار جس کا نام تینالی سندیپ ہے، نے وہیں پر سمانتھا کی سالگرہ منائی، کیک کاٹا اور غریبوں کو کھانا کھلوایا۔
اس تقریب کی ایک ویڈیو اس وقت آن لائن زیر گردش ہے جس میں سمانتھا کے دو مجسمے دیکھے جاسکتے ہیں جو مندر کے وسط میں رکھے گئے ہیں۔
یاد رہے کہ سمانتھا رتھ پرابھو اور ناگا چیتنیا نے 2017ء میں شادی کی اور ان کا تعلق 2021ء میں پایا تکمیل کو پہنچا۔
