بھارتی فضائیہ کے سابق ایئر وائس مارشل اور ممتاز تجزیہ کار کپل کاک نے کہا ہے کہ مودی سرکار نے کشیدگی اتنی بڑھا دی ہے کہ کچھ نہ کچھ ضرور ہو گا۔
جیو نیوز سے گفتگو کرتے ہوئے انہوں نے کہا کہ ہو سکتا ہے فروری 2019ء کی طرح دونوں ملک ایک ایک کارروائی کرنے کے بعد کشیدگی میں کمی لانا شروع کر دیں۔
کپل کاک کا کہنا ہے کہ کشیدگی میں کمی تو دونوں ملکوں کی قیادت کے درمیان بات چیت سے ہی ہو سکتی ہے۔
انہوں نے کہا کہ بھارت کی موجودہ قیادت کی جانب سے غیرجانبدارانہ تحقیقات کی پیشکش کا مثبت جواب آنے کا امکان نہیں ہے۔
ان کا یہ بھی کہنا ہے کہ بھارتی عوام میں بھی اس وقت جنگ اور نفرت کی سیاست کو پذیرائی نہیں مل رہی ہے جس کا ثبوت 2024ء کے الیکشن کے نتائج ہیں۔
