پاکستان شوبز انڈسٹری کے مشہور اداکار سلمان ثاقب شیخ المعروف مانی پوڈکاسٹ کے دوران اپنے مرحوم بھائی ہدایتکار حسن کو یاد کر کے جذباتی ہوگئے۔
مانی نے حال ہی میں احمد علی بٹ کے پوڈکاسٹ میں بطور مہمان شرکت کی جہاں اُنہوں نے اپنے بھائی حسن کی موت کے بارے میں بات کی۔
اُنہوں نے کہا کہ بھائی کی اچانک موت ہمارے لیے بہت بڑا نقصان تھا اور اس کی موت بہت اچانک ہوئی۔
اداکار نے احمد علی بٹ سے مخاطب ہوتے ہوئے کہا کہ میں جانتا ہوں کہ آپ بھی اس کے قریب تھے اور اسے بہت یاد کرتے ہیں کیونکہ آپ سب حسن کے بہت اچھے دوست تھے۔
اُنہوں نے کہا کہ ہم ابھی تک اس نقصان پوری طرح سے قبول نہیں کر سکے جب اس کا انتقال ہوا تو ہمیں یقین نہیں ہو رہا تھا کہ وہ اب ہمارے درمیان نہیں رہا۔
مانی نے کہا کہ جب والد کا انتقال ہوا تو ہم جانتے تھے کہ ایک خاص عمر کو پہنچنے کے بعد ہر انسان کو یہ دنیا چھوڑ کر جانا ہے لیکن حسن کی جوان موت نے ہمیں جھنجھوڑ کر رکھ دیا۔
اُنہوں نے بتایا کہ حسن کو کینسر تھا اور ہم نے اس کا علاج کروانے اور اس کی زندگی بچانے کی ہر ممکن کوشش کی۔
اداکار نے مزید کہا کہ اب میرا بیٹا مزمل ناصرف حسن جیسا نظر آتا ہے بلکہ اس میں حسن جیسی خوبیاں بھی ہیں اور وہ حسن کا پسندیدہ بچہ تھا تو اب میں مزمل میں حسن کو دیکھتا ہوں۔
