شاہ رخ خان کی ممبئی ایئرپورٹ پر پرانے اسٹاف ممبر سے خوش دلی سے ملنے کی ویڈیو وائرل ہوگئی۔
شاہ رخ خان 27 اپریل کو اپنی منیجر پوجا دادلانی کے ساتھ ممبئی واپس پہنچے، ایئرپورٹ سے نکلتے وقت وہ ایک شخص سے گرمجوشی سے ہاتھ ملاتے نظر آئے، جس نے مداحوں کی توجہ اپنی جانب مبذول کر لی۔
رپورٹس کے مطابق یہ شخص سمیر ہے، جو شاہ رخ کے اسٹاف میں 22 سال تک شامل رہا۔
ویڈیو میں شاہ رخ خان کو ہلکی نیلی جیکٹ، سفید شرٹ اور نیلی جینز میں دیکھا گیا۔
ایئرپورٹ سے روانگی کے بعد وہ پالی ہل میں اپنے عارضی گھر کی طرف گئے، کیونکہ ان کا گھر منت اس وقت تزئین و آرائش کے مراحل میں ہے۔
دوسری جانب خبریں گردش کر رہی ہیں کہ شاہ رخ خان اس سال پہلی مرتبہ میٹ گالا میں شرکت کریں گے۔
شاہ رخ خان کو آخری بار راجکمار ہیرانی کی فلم ڈنکی میں دیکھا گیا تھا۔ ان کی اگلی فلم ‘کنگ’ ہے، جس میں وہ اپنی بیٹی سہانا خان، ابیشیک بچن اور ابھئے ورما کے ساتھ جلوہ گر ہوں گے۔
