امریکا کی سابق نائب وزیر خارجہ رابن رافیل کی پروگرام کیپیٹل ٹاک کے میزبان حامد میر سے گفتگو کے بعد بھارتی میڈیا نے ان کے خلاف پروپیگنڈا شروع کردیا۔
بھارتی میڈیا نے رابن رافیل پر ماضی میں پاکستان کے مفاد کےلیے کام کرنے کے بےبنیاد الزامات کا دوبارہ شور کرنا شروع کردیا۔
حقیقت میں رابن رافیل پر اس قسم کا کوئی بھی الزام کسی بھی امریکی عدالت میں ثابت نہیں ہوا اور وہ ان الزامات سے طویل عرصہ پہلے کلیئر ہوچکی ہیں۔
خیال رہے کہ رابن رافیل کا کہنا تھا کہ پاکستان کی غیر جانبدارنہ تحقیقات کی پیشکش ایک مثبت پیشرفت ہے۔
جیو نیوز کے پروگرام کیپٹل ٹاک میں سینیئر اینکر پرسن حامد میر سے گفتگو کرتے ہوئے رابن رافیل نے کہا تھا کہ واقعے کے صرف 5 منٹ بعد کسی الزام پر لگانا انتہائی نامناسب ہے۔
