کراچی (جنگ نیوز) ہفتے کے روز سینٹ پیٹرز اسکوائر میں منعقد ہونے والی پوپ فرانسس کی آخری رسومات میں سابق امریکی صدر ڈونلڈ ٹرمپ اور برطانوی شہزادہ ولیم کے لباس نے خاصی توجہ حاصل کی اور ویٹی کن کے رسمی پروٹوکول کی پاسداری پر بحث کو جنم دیا۔ٹرمپ نیلے رنگ کا سوٹ، ہلکے نیلے رنگ کی ٹائی اور اپنے مخصوص امریکی پرچم کا لیپل پن پہن کر تقریب میں شریک ہوئے۔شہزادہ ولیم، جو بادشاہ چارلس سوم کی نمائندگی کر رہے تھے (جو صحت کی خرابی کے باعث موجود نہ تھے)، نے گہرے رنگ کا سوٹ اور ٹائی پہن کر ویٹی کن کی توقعات سے زیادہ ہم آہنگی کا مظاہرہ کیا۔
