پرندے اپنے پر پھیلائے فضاؤں میں اُڑتے ہیں یہ تو سب جانتے ہیں لیکن دنیا میں کچھ ایسے جانور بھی ہیں جو بغیر پروں کے ہی اُڑنے کی صلاحیت رکھتے ہیں یہ بات کم ہی لوگ جانتے ہیں۔
یہاں آج ایسے 10 حیرت انگیز جانوروں کے بارے میں جان لیتے ہیں جو پروں کے بغیر ہی اُڑ سکتے ہیں۔
اڑنے والے مینڈک
مینڈکوں کی کچھ غیر ملکی نسلیں خاص طور پر جو جنوب مشرقی ایشیاء میں پائی جاتی ہیں وہ اپنے جالی دار پاؤں ہوا میں اڑنے کے لیے استعمال کرتے ہیں۔
ڈریکو لیزرڈ (چھپکلی)
یہ چھپکلی اپنی پسلیوں کے نیچے لگے پروں جیسے جال کا استعمال کرتے ہوئے اُڑ کر ایک درخت سے دوسرے درخت پر جاتی ہے۔
فلائنگ گیکو
گیکو کے جسم کے ساتھ جڑے ہوئے پاؤں اور کھنچنے والی جلد ہوتی ہے جو اسے ہوا میں سرکنے میں مدد دیتی ہے۔
اڑنے والی مچھلی
اڑنے والی مچھلیوں کے پنکھ ہوتے ہیں جو ہوا میں رہتے ہوئے پروں کی شکل میں پھیل جاتے ہیں اور انہیں 200 میٹر اونچائی تک ’اڑنے‘ میں مدد دیتے ہیں۔
پیراڈائز ٹری اسنیک
یہ سبز رنگ کا سانپ اپنے جسم کو چپٹا کر کے اُڑ کر ایک درخت سے دوسرے درخت پر پہنچ جاتا ہے۔
موبولا رے
موبولا رے اپنی ایروڈینامک شکل کا استعمال کرتے ہوئے ہوا میں 6 فٹ تک گلائیڈ کر سکتی ہے۔
فلائنگ اسکویڈ
اسکویڈ کی یہ انوکھی نسل سمندر سے 30 فٹ کی بلندی تک چھلانگ لگانے کے لیے جیٹ پروپلشن کا استعمال کرتی ہے۔
بٹر فلائی فش
اس گہرے سمندر کی مچھلی کی مضبوط چھاتی پر پنکھ ہیں جنہیں یہ شکاریوں سے بچنے کے لیے پانی سے باہر نکلنے کے لیے استعمال کرتی ہے۔
اڑنے والی گلہری
اس گلہری کے جسم میں اپنڈیجز کے نیچے جلد کی ایک قسم ’پیٹجیم‘ہوتی ہے جس کا استعمال کرتے ہوئے یہ ہوا میں 150 فٹ تک اڑ سکتی ہیں۔
کولوگو یا فلائنگ لیمر
اڑنے والی گلہری کی طرح کولگو کے بازوؤں کے نیچے کھنچنے والی جلد ہوتی ہے جو اسے ہوا میں اڑنے میں مدد دیتی ہے۔
