بھارت کے متنازع وقف ترمیمی قانون اور غیرمقامیوں کو ڈومیسائل دینے کے خلاف مقبوضہ کشمیر میں کُل جماعتی حریت کانفرنس نے ہڑتال کی کال دے دی۔
کشمیر میڈیا سروس (کے ایم ایس) کے مطابق حریت کانفرنس کا کہنا ہے کہ مقبوضہ جموں و کشمیر میں کل ہڑتال کی جائے گی۔ مودی حکومت کے مذموم منصوبوں کے خلاف سری نگر میں احتجاجی مارچ بھی کیا جائے گا۔
حریت کانفرنس کا کہنا ہے کہ وقف ترمیمی قانون کشمیری، بھارتی مسلمانوں کے سیاسی، مذہبی اور سماجی تشخص پر حملہ ہے۔
کل جماعتی حریف کانفرنس نے کہا کہ بھارت فالس فلیگ آپریشن کے ذریعے تحریک آزادی کو بدنام کرنے کی کوشش کر رہا ہے، بھارت اوچھے ہتھکنڈوں سے کشمیری عوام کی منصفانہ جدوجہد کو بدنام کر رہا ہے۔
حریت کانفرنس نے مطالبہ کیا کہ عالمی برادری اقوام متحدہ کی قراردادوں اور سندھ طاس معاہدے کی خلاف ورزیوں پر بھارت کا محاسبہ کرے۔
