(احسان عباسی )وزیرداخلہ محسن نقوی کی صدر مملکت آصف علی زرداری سے اہم ملاقات،پہلگام واقعہ کے بعد بھارت کے غیر ذمہ دارانہ اقدامات کے تناظر میں تفصیلی بریفنگ دی ۔
تفصیلات کے مطابق وزیرداخلہ محسن نقوی نے صدر آصف علی زرداری سے ملاقات کی ، قومی سلامتی کمیٹی کے فیصلوں کے بارے بریف کیا،صدر آصف علی زرداری نے قومی سلامتی کمیٹی کے بروقت قومی اقدامات اور فیصلوں کو سراہا۔
یہ بھی پڑھیں:ڈالر کی قیمت میں کمی،انٹر بینک سے اہم خبر آ گئی
اس موقع پر صدر آصف علی زرداری نے کہا کہ قومی سلامتی کمیٹی کے تمام فیصلے قوم کے دل کی آواز ہیں، قومی سلامتی کمیٹی نے پاکستانی قوم کی امنگوں کی ترجمانی کی ہے،
پوری قوم سلامتی کمیٹی کے فیصلوں اور اقدامات کے ساتھ کھڑی ہے ۔
انہوں نے کہا کہ بھارت کے بے بنیاد الزامات اور غیر منطقی اقدامات کا کوئی جواز نہیں بنتا۔
وزیرداخلہ محسن نقوی نے کہا کہ دشمن کسی غلط فہمی میں نہ رہے، پاکستان کا دفاع ناقابل تسخیر ہے۔
