(24 نیوز)گورنر سٹیٹ بینک جمیل احمد نے کہا ہے کہ زرمبادلہ کے ذخائر بہتر ہیں۔
گورنر سٹیٹ بینک نے پاکستان سٹاک ایکسچینج میں فنانشل لٹریسی بینکنگ اینڈ فنانس سے متعلق گونگ تقریب میں کہا کہ فنانشل لٹریسی کوفروغ دینے کیلئے ایسے پروگراموں کا انعقاد خوش آئند ہے۔
انہوں نے کہا کہ 2022 میں مہنگائی کا مسئلہ در پیش تھا، ہمیں کارپوریٹ سیکٹر کے ساتھ مل کر کام کرنا ہو گا، جمیل احمد نے کہا کہ زرمبادلہ کے ذخائر بہتر ہیں، مزید بہتر کرنے کی ضرورت ہے۔
مزید پڑھیں:پاکستان سولر پینلز درآمد کرنیوالا سب سے بڑا ملک
ایکسچینج ریٹ مارکیٹ ویلیو کے اعتبار سے کم ہو رہا ہے، ہم نے سخت فیصلے کیے ہیں درآمدات کو کافی حد تک کم کیا ہے،11 ہزار تاخیر کا شکار درآمدات سے متعلق ایل سیز کے مسائل کو حل کیا۔
ان کا کہنا تھا کہ مہنگائی کی شرح میں بتدریج کمی ریکارڈ کی جا رہی ہے، مانیٹری پالیسی کمیٹی کی توقع کے مطابق مہنگائی کی شرح میں کمی ہوئی ہے۔
گورنر ا سٹیٹ بینک نے کہا کہ کرنٹ اکاؤنٹ سرپلس ہوتا دیکھا گیا، کرنٹ اکاؤنٹ اس سال 7 ملین ڈالر سرپلس رہا ہے۔
