(ویب ڈیسک)ٹک ٹاک نے اپنے صارفین کے لیے ایپ کے اندر سکیورٹی سیٹنگز کو پرسنلائز کرنے کا عمل زیادہ آسان بنا دیا
اس مقصد کے لیے مقبول ویڈیو شیئرنگ ایپ میں ایک سکیورٹی ہب متعارف کرایا گیا ہے جہاں تمام سیٹنگز ایک ہی جگہ موجود ہیں۔
سکیورٹی چیک اپ نامی ہب کے ذریعے صارفین مختلف سکیورٹی آپشنز ایک ہی جگہ ٹرن آن یا ٹرن آف کرسکتے ہیں،اسی طرح وہ اس ہب میں مشتبہ سرگرمیوں کو بھی مانیٹر کرسکتے ہیں جبکہ اکاؤنٹ سکیورٹی بہتر بنانے کی ٹپس بھی جان سکتے ہیں۔
سکیورٹی چیک میں صارفین لاگ ان کے لیے پاس کیز کو ان ایبل کرسکتے ہیں یا ٹو فیکٹر authentication کو ایڈ کرسکتے ہیں،اسی طرح وہ لاگ ان ڈیوائسز کا اسٹیٹس بھی دیکھ یا ڈیلیٹ کرسکتے ہیں۔
اس ہب تک رسائی کے لیے ٹک ٹاک ایپ میں سیٹنگز اینڈ پرائیویسی مینیو کھول کر سکیورٹی اینڈ پرمیشنز پر کلک کریں۔
یہ بھی پڑھیں:ڈی سی صوابی کوخواتین کی ٹک ٹاک ویڈیوز شیئر کرنا مہنگا پڑگیا
اس سے قبل ٹک ٹاک کی جانب سے گزشتہ دنوں چند پیرنٹل کنٹرول فیچرز متعارف کرائے گئے تھے تاکہ والدین اپنے کم عمر بچوں کی نگرانی کرسکیں۔
