بالی ووڈ انڈسٹری کی سپر اسٹار عالیہ بھٹ کے سوتیلے بھائی راہول بھٹ نے اداکارہ سے متعلق اپنی رائے میں کہا ہے کہ میری سگی بہن کے سامنے عالیہ بھٹ پانی کم چائے ہے، عالیہ بھٹ میں نہ ٹیلنٹ ہے اور نہ ہی ان کی شکل کچھ خاص ہے۔
بھارتی معروف ہدایتکار مہیش بھٹ کے بیٹے، عالیہ بھٹ اور شاہین بھٹ کے سوتیلے اور سابقہ اداکارہ پوجا بھٹ کے سگے بھائی راہول بھٹ نے حال ہی میں ایک پوڈکاسٹ میں انٹرویو دیا ہے۔
اپنے طویل انٹرویو میں فٹنس ماہر و ٹرینر راہول بھٹ نے بالی ووڈ کے متعدد سپر اسٹارز، کارتیک آریان، عامر خان، ساجد خان اور علی فضل کی ٹرانسفارمیشن اور باڈی بلڈنگ کے ذریعے ان کی شخصیت میں بہتری لانے پر کھل کر بات کی ہے۔
راہول بھٹ سے پوچھے گئے سوالات کے جواب میں فٹنس ماہر نے بتایا کہ میں رنبیر کپور کی صرف اس حد تک عزت کرتا ہوں کہ وہ ایک بہت اچھے والد ہیں، میری سوتیلی بہن کے اچھے شوہر ہیں، وہ میری بہن کا بہت خیال رکھتے ہیں، اس سے زیادہ میں کچھ نہںں جانتا کہ وہ کیسے اداکار ہیں اور کیسی اداکاری کرتے ہیں۔
انہوں نے عالیہ بھٹ سے متعلق سوال کے جواب میں کہا کہ وہ ایک اچھی ماں ہیں، باصلاحیت اور کامیاب اداکارہ ہیں اور اگر آپ مجھے عالیہ کا پوجا کے ساتھ موازنہ کرنے کے لیے کہیں تو عالیہ بھٹ میری سگی بہن کے آگے کچھ بھی نہیں ہے، نہ ہی عالیہ میں ٹیلنٹ ہے اور نہ ہی اس کی شکل ہے، عالیہ بھٹ میری بہن کے سامنے پانی کم چائے ہیں۔
راہول بھٹ نے مزید کہا کہ یہ میری رائے ہے کہ عالیہ میری حقیقی بہن کے سامنے ٹیلنٹ اور شکل میں آدھی بھی نہیں ہے، یہ میری ذاتی رائے ہے۔
