(ویب ڈیسک)بالی ووڈ کے دبنگ سپراسٹار سلمان خان نے اپنی فلموں میں کم عمر ہیروئنز سے متعلق پہلی بار ردعمل دے دیا۔
سلمان خان آج کل عید پر ریلیز ہونے والی اپنی فلم”سکندر” کی تشہیرمیں مصروف ہیں،فلم کے ٹریلر کی تقریب رونمائی میں فلم کی پوری کاسٹ نے شرکت کی۔
تقریب میں سلمان خان سے گزشتہ دنوں ان کی سوشل میڈیا پر وائرل ہونے والی ویڈیوز سے متعلق پوچھا گیا جس پر سلمان خان نے کہا کہ کبھی ایسی گڑ بڑ ہوجاتی ہے کہ 6 سات رات سوئے نہیں پھر سوشل میڈیا والے پیچھے پڑ جاتے ہیں تو پھر ان کو دکھانا پڑتا ہے ابھی تک ہے۔
فلم”سکندر”میں مرکزی کردارادا کرنے والی اداکارہ رشمیکامندنا کی عمر 28 سال اور سلمان خان کی عمر 59 سال ہے یعنی دونوں کی عمر میں 31 سال کا فرق ہے۔
ہیروئن کی کم عمری سے متعلق سلمان خان نے کہا کہ ہیروئن اور مجھ میں 31 سال کا فرق ہے جب ہیروئن کو اور اس کے والد کو مسئلہ نہیں ہے تو تم کو کیوں مسئلہ ہے بھائی؟
انہوں رشمیکا کو دیکھتے ہوئے کہا کہ اب جب ان کی شادی ہوجائے گی اور ان کی بچی ہوجائے گی وہ بڑی اسٹار ہوجائے گی تو اس وقت وہ بھی میرے ساتھ کام کرے گی نا، ممی کی اجازت تو مل ہی جائے گی نا؟ اس پر اداکارہ نے بھی ہاں میں سر ہلایا۔
یہ بھی پڑھیں:جنگ آزادی کا ہیرو بھگت سنگھ: شوبزشخصیات نے یاد میں شمعیں روشن کیں
خیال رہے کہ فلم “سکندر”30 مارچ کو ریلیزہونے جارہی ہے جس کی کاسٹ میں سلمان خان، ستھیاراج،رشمیکا، کاجول اگروال اور دیگر شامل ہیں۔
