ہالی ووڈ کی معروف اداکارہ اور مقبول امریکی سیریز ’ٹوائی لائٹ‘ کی مرکزی ہیروئن کرسٹن اسٹیورٹ نے اپنی گرل فرینڈ ڈیلن میئر سے شادی کر لی۔
اداکارہ کرسٹن اسٹیورٹ نے دوست ڈیلن میئر کے ساتھ اکتوبر 2019ء میں انسٹا گرام پر اپنے رشتے کی تصدیق کی تھی جبکہ2021ء میں اس جوڑی نے اپنی منگنی کا اعلان کیا تھا۔
کرسٹن اسٹیورٹ کی ڈیلن میئر سے شادی کی تقریب ایسٹر کے موقع پر اتوار 20 اپریل کو لاس اینجلس میں منعقد ہوئی۔
شادی کی تقریب میں اس جوڑی کے قریبی دوستوں اور اہلِ خانہ نے شرکت کی جس کی تصویریں سوشل میڈیا پر وائرل ہیں۔
میڈیا رپورٹس کے مطابق گزشتہ ہفتے کرسٹن اور ڈیلن نے عدالت سے باقاعدہ میریج لائسنس بھی حاصل کیا تھا۔
ماضی میں دیے گئے ایک انٹرویو کے دوران اداکارہ کرسٹن نے انکشاف کیا کہ انہوں نے ڈیلن کو پرپوز نہیں کیا بلکہ ڈیلن نے انہیں پہلے پرپوز کیا تھا۔
