(ویب ڈیسک)پاکستان سوزوکی موٹرز نے اپنی مشہور زمانہ گاڑی ’آلٹو‘ کا نیا ماڈل جدید فیچرز کے ساتھ مارکیٹ میں اتار دیاہے جس کی ویڈیوز اور تصاویر سوشل میڈیا پر تیزی سے وائرل ہو رہی ہیں، کمپنی کی جانب سے گاڑی میں شاندار فیچرز اور کچھ ڈیزائنز کا اضافہ کیا گیاہے ۔
پاکستان سوزوکی موٹرز کمپنی (PSMC) نے فروری 2025 میں اپنی مقبول گاڑی سوزوکی آلٹو کی قیمت میں 1 لاکھ 20 ہزار روپے تک کا اضافہ کر دیا تھا۔ اس اچانک اضافے کی وضاحت کرتے ہوئے کمپنی کے نمائندے نے بتایا تھا کہ “آلٹو VXR ماڈل میں نئی خصوصیات جیسے ABS بریکس اور پاور ونڈوز شامل کی جا رہی ہیں جبکہ دیگر اضافوں میں سیٹ بیلٹس، ISOFix چائلڈ سیٹ اینکرز، سیٹ بیلٹ الارم وغیرہ بھی شامل ہیں تاہم اب یہ نئے جدیدفیچرز کے ساتھ یہ گاڑی مارکیٹ میں آ گئی ہے اور صارفین کی جانب سے تصاویر اور ویڈیوز شیئر کرنے کا سلسلہ بھی جاری ہے ۔
پچھلے دروازے پر ایمبلم کی جگہ کی تبدیلی ، سیٹ بیلٹ باندھنے کا الارم ، سامنے دائیں سیٹ بیلٹ پری ٹینشنر ، فرنٹ سیٹ بیلٹ ریمائنڈر ، ISO-FIX چائلڈ سیٹ اینکرز ، بیک ڈور گارنش تمام ویرینٹس میں دستیاب ہیں ۔
پاور ونڈو سوئچ کی لائٹنگ – VXR MT اور VXR AGS میں، فرنٹ و ریئر پاور ونڈوز – VXR MT اور VXR AGS میں، سیفٹی پنچ گارڈ (ڈرائیور ونڈو کیلئے) – VXR MT اور VXR AGS میں، آٹو ونڈو اپ اینڈ ڈاؤن (ڈرائیور کیلئے) – VXR MT اور VXR AGS میں اور ABS (اینٹی لاک بریکنگ سسٹم) – اب VXR MT ماڈل میں دستیاب ہیں جبکہ سائیڈ ٹرن لیمپ – صرف AGS ویریئنٹ میں دیا گیاہے ۔
یہ بھی پڑھیں: گوگو باکس کی قیمت میں بڑی کمی کا اعلان
اپ گریڈز متعارف کرانے سے قبل کمپنی نے دو ماہ قبل سوزوکی آلٹو کی نئی قیمتوں کا اعلان کیا تھا،آلٹو VXR MT کی پرانی قیمت 27,07,000 روپے تھی، جو اب بڑھا کر 28,27,000 روپے کر دی گئی ہے، یعنی 1,20,000 روپے کا اضافہ۔
آلٹو VXR AGS کی قیمت 28,94,000 روپے سے بڑھا کر 29,89,000 روپے کر دی گئی ہے، جس میں 95,000 روپے کا اضافہ ہوا۔
آلٹو VXL AGS کی قیمت 30,45,000 روپے سے بڑھا کر 31,40,000 روپے کر دی گئی ہے، یعنی اس میں بھی 95,000 روپے کا اضافہ کیا گیا ہے۔
