کراچی(اسٹاف رپورٹر)پریذیڈنٹ ٹرافی گریڈ ٹو کرکٹ ٹورنامنٹ میں جے ڈی ڈبلیو نے ون ٹین کمیونیکیشن کو 10 وکٹوں سے شکست دے دی۔واضح رہے کہ جے ڈی ڈبلیو ، ملتان سلطانز کی نمبر دو ٹیم ہے جو پریذیڈنٹ ٹرافی گریڈ ٹو ٹورنامنٹ میں کامیابی کی صورت میں آئندہ سیزن میں پریذیڈنٹ ٹرافی گریڈ ون کھیلنے کی اہل ہوگی۔ راولپنڈی میں سہ روزہ میچ کے آخری دن جے ڈی ڈبلیو کو کامیابی کے لیے 30 اوورز میں 110 رنز کا ہدف ملا تھا جو اس نے 17 اوورز میں بغیر کسی وکٹ کے نقصان پر حاصل کرلیا۔جہانزیب سلطان نے 58،عمر نواز خان نے 52 نے رنز اسکور کیے۔اس سے قبل ون ٹین کمیونیکیشن اپنی دوسری اننگزمیں 189 رنز بناکر آؤٹ ہوگئی۔ہارون صداقت 54 رنز بناکر نمایاں رہے۔محمد جنید نے 49 رنز دے کر4 وکٹیں حاصل کیں۔
