(24 نیوز)بھارت میں جاری انڈین پریمئیر لیگ (آئی پی ایل) کی فرنچائز ٹیم پنجاب کنگز کی رائل چیلنجر بنگلورو کے ہاتھوں شکست پر ٹیم کے کپتان شریاس ائیر کی بہن تنقید کرنیوالوں پر برس پڑیں۔
بھارتی میڈیا رپورٹس کے مطابق بھارتی کرکٹر اور پنجاب کنگز کے کپتان شریاس ائیر کی بہن شریستا ائیر انڈین پریمیئر لیگ (آئی پی ایل) کے میچ 37 میں رائل چیلنجرز بنگلورو کے خلاف شکست کے بعد اپنے بھائی کو نشانہ بنانے والے ٹرولرز پر سخت برہم ہوئیں۔
شریاس ایئر کی پنجاب کنگز نے اپریل میں ایم چناسوامی اسٹیڈیم میں RCB کو شکست دی تھی لیکن چند روز قبل ہی ان کی ٹیم کو شکست کا سامنا کرنا پڑا تھا۔ کپتان شریاس ایئر کا بلا خاموش رہا جس کے باعث کرکٹ شائقین نے پنجاب کنگز کے کپتان کو تنقید کا نشانہ بنایا۔
رپورٹ کے مطابق شریاس ایئر پر جب تنقید شروع ہوئی تو ان کی بہن شریستا سے دیکھا نہیں گیا جس کے بعد وی اپنے بھائی کی حمایت میں بول پڑیں۔
مزید پڑھیں:آئی پی ایل,نئے کھلاڑیوں نے ’’وخت‘‘ ڈال دیا،دھونی سمیت سینئر کا اگلا سیزن مشکوک
کھلاڑی کی بہن سنجنا شریستا نے اپنی انسٹاگرام اسٹوری پوسٹ میں لکھا کہ لوگوں کو اس قدر نیچے گرتا دیکھ کر مایوسی ہوتی ہے کہ صرف حمایت کے لیے خاندان پر الزامات لگانے لگتے ہیں۔ چاہے ہم جسمانی طور پر موجود ہوں یا دور سے خوش ہو رہے ہوں، ٹیم کیلئے ہماری حمایت غیر متزلزل ہے۔
سنجنا شریستا نے اپنی اسٹوری مزید لکھا کہ میں بھارت اور آئی پی ایل کے میچز میں شرکت کرچکی ہوں جن میں فتح ہوئی میرا اندازہ ہے کہ جب آپ سکرین کے پیچھے سے ٹرول کرنے میں مصروف ہوتے ہیں، حقائق سے کوئی فرق نہیں پڑتا۔
