پاکستان سپر لیگ (پی ایس ایل) فرنچائز کوئٹہ گلیڈی ایٹرز کے مینٹور ویوین رچرڈز نے کہا ہے کہ آپ جتنی مرضی اچھی ٹیم ہوں بعض اوقات ہارتے بھی ہیں۔
لاہور میں میڈیا سے گفتگو میں ویوین رچرڈز نے کہا کہ ہمیں امید ہے کہ لاہور کا وینیو کوئٹہ گلیڈی ایٹرز کےلیے قسمت لائے گا۔
انہوں نے کہا کہ ہم آخری دو میچز ہارے، کوئٹہ گلیڈی ایٹرز اس طرح نہیں کھیلی جیسی کہ وہ کھیل سکتی ہے، نیا وینیو ہے، نئی کنڈیشنز ہیں، ہم جانتے ہیں کہ ہم بہتر کر سکتے ہیں۔
کوئٹہ گلیڈی ایٹرز کے مینٹور نے مزید کہا کہ مارک چیپ مین جیسا پلیئر ہمارے اسکواڈ میں آیا، جس نے نیوزی لینڈ کےلیے بہت اچھا کر رکھا ہے، وہ اچھا کھیلنے کی صلاحیت رکھتا ہے۔
اُن کا کہنا تھا کہ آپ جتنی مرضی اچھی ٹیم ہوں بعض اوقات آپ ہارتے بھی ہیں، ابھی گرے ہیں لیکن آؤٹ نہیں ہیں، مجھے یقین ہے کہ اہم آگے بہتر کر سکتے ہیں۔
ویوین رچرڈز نے یہ بھی کہا کہ پاکستان میرا دوسرا گھر ہے، میں کئی برسوں سے یہاں آ رہا ہوں، میں ویسٹ انڈیز ٹیم کے ساتھ آ چکا ہوں، مجھے یہاں آنا اچھا لگتا ہے، کرکٹ جہاں مجھے لے کر جائے گی میں وہاں خوش ہوں گا۔
انہوں نے کہا کہ سعود شکیل کی کپتان سے کوئی مسئلہ نہیں، اس وقت وہ اچھا کر رہا ہے، اختتام پر ہمیں یہ فیصلہ کرنا چاہیے کہ وہ کیسا کپتان ہے۔
کوئٹہ گلیڈی ایٹرز کے مینٹور نے کہا کہ دو میچز ہارنے کے بعد ہمیں حوصلہ شکنی نہیں کرنی چاہیے، ٹیم کا مورال بہت اچھا ہے میں اتنا کہہ سکتا ہوں میں ٹاپ آرڈر پر بات نہیں کر سکتا۔
