پاکستانی انڈسٹری کے عالمی شہرت یافتہ اداکار فواد خان نے بھارتی اداکارہ وانی کپور کے ساتھ کام کرنے کا تجربہ شیئر کر دیا۔
ہفتے کی شب دبئی کے گلوبل ویلج میں منعقدہ میوزک لانچ ایونٹ کے موقع پر فواد خان نے حاضرین سے دل کی باتیں کیں۔
اس موقع پر انہوں نے کہا کہ خوب صورت بلکہ خوب سیرت فلمی اداکاروں کے ساتھ کام کیا ہے، فلم کی ہیروئن وانی کپور بھی ایسی اداکارہ ہیں جن سے کام کے ساتھ اچھی گپ شپ رہی۔
فلم ’عبیر گلال‘ کے میوزک لانچ کے دوران انہوں نے کہا کہ فلموں میں سادگی ضروری ہے تاکہ ناظرین محظوظ ہوں اور ذہنی الجھن کا شکار نہ ہوں۔
لندن میں فلمائی گئی رومانوی کامیڈی فلم میں فواد خان عبیر سنگھ کا مرکزی کردار نبھا رہے ہیں جبکہ ان کے مدِمقابل وانی کپور جلوہ گر ہیں۔
فلم کی کہانی ایک آزاد مزاج لڑکی گلال بجاج اور عبیر سنگھ کی محبت کی داستان کے گرد گھومتی ہے۔
رومانوی کامیڈی فلم ’عبیر گلال‘ 9 مئی کو دنیا بھر کے سنیما گھروں میں ریلیز ہو گی۔
