کراچی(اسٹاف رپورٹر)پاکستان ٹی ٹوئنٹی کرکٹ ٹیم کے کپتان سلمان علی آغا نے کہا ہے کہ ماڈرن ڈے کرکٹ کی اہم بات یہ ہے کہ رنز بننے کی رفتار کم نہ ہو، اگر دوسری بیٹنگ ہے تو ضروری ہے کہ مطلوبہ رن ریٹ کے مطابق کھیلیں ، اگر پہلی بیٹنگ ہے تو اہم ہے کہ اپنے پار اسکور کو ذہن میں رکھ کر کھیلیں ، کبھی کبھار کوشش میں ناکامی ہو جاتی ہے جو کہ قابل قبول ہے جیو کو انٹر ویو میں سلمان آغا نے کہا کہ مجھے یقین ہے کہ ہمارے پاس ایسے کھلاڑی ہیں جو ماڈرن ڈے کرکٹ کھیل سکتے پیں،آنے والے ایونٹس میں امید ہے ہم ویسی ہی کرکٹ کھیلیں گے جیسا کہ لوگ ہمیں کھیلتا دیکھنا چاہتے ہیں، انہوں نے کہا کہ ہمیں پاکستان ٹیم میں یہ ہی کلچر لانا ہے کہ ہم کنڈیشن کو ذہن میں رکھ کر کھیلیں۔
