پاکستانی ڈرامہ انڈسٹری کی اداکارہ غنیٰ علی کے حالیہ وزن میں کمی نے مداحوں کو حیران کردیا۔
غنیٰ علی رضا اپنی جاندار اداکاری کی بدولت خوب شہرت حاصل کرچکی ہیں، انہیں جیو ٹی وی کے مشہور ڈرامہ سیریل سنگدل سے نمایاں شہرت ملی۔
ان دنوں غنیٰ علی مقبول ڈرامہ سیریل نقاب میں بھی اپنی اداکاری کے جوہر دکھا رہی ہیں، جہاں وہ ہمایوں اشرف اور علی انصاری کے ساتھ جلوہ گر ہیں۔
غنیٰ علی اکثر اپنی نجی زندگی، وزن میں تبدیلی اور انٹرویوز کی وجہ سے خبروں میں رہتی ہیں، حال ہی میں مداحوں نے ان کی تصاویر میں ان کے وزن میں نمایاں کمی دیکھ کر حیرانی کا اظہار کیا ہے۔
مداح خاص طور پر اس تبدیلی سے متاثر ہیں کہ غنیٰ علی نے دو ڈیلیوریز کے بعد بھی اتنی جلدی اپنی فٹنس بحال کرلی ہے۔
کئی مداحوں نے غنیٰ علی کی نئی دلکش شخصیت کی تعریف کی ہے جبکہ اکثر مداح ان سے ان کا ڈائیٹ پلان شیئر کرنے کی درخواست کر رہے ہیں۔
غنیٰ علی نے بتایا کہ انہوں نے وزن کم کرنے کے لیے کریش ڈائیٹ کا سہارا لیا تھا، تاہم انہوں نے یہ بھی تسلیم کیا کہ یہ طریقہ صحت کے لیے نقصان دہ ہے اور وہ کسی کو یہ طریقہ اختیار کرنے کی سفارش نہیں کریں گی۔
ایک انسٹاگرام صارف کو جواب دیتے ہوئے غنیٰ علی نے مشورہ دیا کہ اگر بہتر نتائج چاہتے ہیں تو رات کا کھانا ترک کردیں۔
