کراچی (اسٹاف رپورٹر) گولڈ مارکیٹ، سونے کی قیمت میں 600روپے فی تولہ کا اضافہ تفصیلات کے مطابق عالمی مارکیٹ میں سونے کی قیمت 6 ڈالر فی اونس کے اضافے سے 3218 ڈالرسے بڑھ کر 3224ڈالر فی اونس ہو گئی ہے۔عالمی مارکیٹ میں اضافے کے باعث مقامی مارکیٹ میں بھی سونے کی قیمت 600 روپے فی تولہ کے اضافے سے 3 لاکھ 39ہزار 400روپے فی تولہ اور 10گرام سونے کی قیمت 514روپے کے اضافے سے 2لاکھ 90ہزار 980روپے ہو گئی ہے۔چاندی کی قیمت بھی 163 روپے کے اضافے سے 3397 روپے فی تولہ پر پہنچ گئی ہے۔
