کراچی (اسٹاف رپورٹر) اسلام آباد ہاکی ایسوسی ایشن کے کانگریس رکن نوید احمدنے پی ایچ ایف کے صدر طارق بگٹی کی تقرری کو اسلام آباد ہائی کورٹ میں چیلنج کردیا، ان کی تقرری کو غیر آئینی قرار دیتے ہوئے انہوں نے کہا ہے کہ نگراں حکومت کو صدر پاکستان ہاکی فیڈریشن کی تعیناتی کا مینڈیٹ حاصل نہیں تھا، درخواست گزار کے وکیل محمد نصیر اعوان نے مؤقف اختیار کیا کہ نگران حکومت نے ایک تقرری ایسے وقت میں کی ہے جو کہ الیکشنز ایکٹ 2017 کے سیکشن 230 کی خلاف ورزی ہے، عدالت نے معاملے کو غور طلب قرار دیتے ہوئے فریقین کو دو ہفتوں میں جواب داخل کرانے کا حکم دیا ہے۔ درخواست گزار نے سابق وزیر اعظم انوار الحق کاکڑ سمیت وزارت بین الصوبائی رابطہ، پاکستان ا سپورٹس بورڈ ، پاکستان اولمپک ایسوسی ایشن اور طارق حسین کو فریق بنایا ہے۔
