کوئٹہ:
ضلع قلات کے علاقے ریج میں دو بسوں کے درمیان تصادم کے نتیجے میں 5 افراد جاں بحق جبکہ 20 سے زائد افراد زخمی ہوگئے ہیں۔
حادثہ اس وقت پیش آیا جب دونوں بسیں تیز رفتاری کے باعث آپس میں ٹکرا گئیں۔
ایمبولینسوں کو فوراً جائے حادثہ پر روانہ کر دیا گیا اور زخمیوں کو فوری طور پر ڈی ایچ کیو قلات منتقل کیا گیا۔
اسپتال میں ایمرجنسی نافذ کر دی گئی ہے، جہاں زخمیوں کو طبی امداد فراہم کی جارہی ہے۔
لیویز ذرائع کے مطابق حادثے کی وجوہات کا پتہ چلانے کے لیے تحقیقات جاری ہیں۔
