امریکی صدر ڈونلڈ ٹرمپ اقتدار میں آنے کے بعد صرف نظامِ حکومت میں ہی نہیں بلکہ وائٹ ہاؤس کی ڈیکوریشن میں بھی بڑی تبدیلیاں لے آئے۔
امریکی میڈیا کی رپورٹ کے مطابق ڈونلڈ ٹرمپ وائٹ ہاؤس میں واپسی کے بعد پہلے 8 ہفتے بہت مصروف رہے لیکن مصروفیات کے باوجود بھی اُنہوں نے صدارتی دفتر کی ڈیکوریشن کو تبدیل کرنے کے لیے وقت نکال لیا۔
ڈونلڈ ٹرمپ نے صدارتی دفتر کو جگمگاتی ہوئی گولڈن گیلری میں تبدیل کر دیا۔
امریکی صدارتی دفتر میں سنہرے پردے، سنہرے فریمز میں مزین تصاویر، سنہرے مجسمے اور دیگر آرائشی اشیاء، تقریباََ ہر چیز سنہرے رنگ کی نظر آ رہی ہے۔
یہاں تک کہ صدارتی دفتر میں موجود ٹی وی کا ریموٹ کنٹرول بھی سنہرے رنگ کے کور میں لپٹا ہوا ہے۔
ڈونلڈ ٹرمپ نے 20 شخصیات کے پورٹریٹس کو بھی اوول آفس کی دیواروں کی زینت بنایا ہے جن میں سابق امریکی صدور اور سیاستدانوں کی تصاویر شامل ہیں۔
نئی گولڈن کلب ورلڈ کپ شیلڈ بھی امریکی صدارتی دفتر میں رکھی گئی ہے۔
