متحدہ عرب امارات (یو اے ای) نے اسرائیلی شہر تل ابیب میں بین المذاہب افطار کا اہتمام کیا جس میں اسرائیل کے سیاسی، اقتصادی اور ثقافتی شعبوں کے نمائندے، مسلم کمیونٹی کے رہنما اور یہودی، مسیحی، دروز اور دیگر مذاہب کے افراد نے شرکت کی۔
اس سال رمضان کے مقدس مہینے کے دوران، یہودی تہوار پوریم اور مسیحی تہوار ایسٹر قریب ہونے کی وجہ سے یہ تقریب بین المذاہب مکالمے اور اتحاد کی علامت بن گئی۔
افطار میں اسرائیلی پارلیمنٹ (کنیسٹ) کے اسپیکر امیر اوحنا نے افطار میں شرکت کی جبکہ اسرائیل میں سب بڑی مسلم عرب سیاسی جماعت کے رہنما منصور عباس بھی شریک ہوئے۔
اسرائیلی عرب رہنما منصور عباس، متحدہ عرب لسٹ (رعم پارٹی) کے سربراہ ہیں جو اسرائیل میں بسے تقریباً بیس لاکھ عرب مسلم کمیونٹی کے حقوق کے لیے کام کرتے ہیں۔
اماراتی سفارتخانہ 2021 سے ہر سال مختلف کمیونٹیز کےلیے افطار کا اہتمام کر رہا ہے۔
