سابق بھارتی کپتان ایم ایس دھونی کی رشبھ پنت کی بہن کی شادی میں دھماکے دار انٹری اور ڈانس کی ویڈیو وائرل ہو گئی۔
بھارتی کرکٹ ٹیم کے سابق کپتان ایم ایس دھونی اور مشہور بلے باز سریش رائنا نے وکٹ کیپر رشبھ پنت کی بہن ساکشی پنت کی شادی کی تقریبات میں شرکت کی جہاں وہ ہنستے، گاتے اور رقص کرتے نظر آئے۔
سوشل میڈیا پر ایک ویڈیو تیزی سے وائرل ہو رہی ہے جس میں ایم ایس دھونی، سریش رائنا اور رشبھ پنت کو مشہور گانے دمادم مست قلندر پر جھومتے دیکھا جا سکتا ہے۔
ایم ایس دھونی، سریش رائنا اور رشبھ پنت کی ڈانس ویڈیو نے مداحوں کے دل جیت لیے، انہوں نے اس ویڈیو کو خوب پسند کیا اور دھونی کی خوش مزاجی اور زبردست ڈانس اسکلز کو سراہا۔
مداحوں کا کہنا ہے کہ یہ ویڈیو ثابت کرتی ہے کہ دھونی صرف ایک عظیم کھلاڑی ہی نہیں بلکہ زبردست انٹرٹینر بھی ہیں۔
