پاکستانی اداکارہ حبا بخاری اور آریز احمد نے والدین بننے کی خوشی اور تنازعات پر تفصیلی گفتگو کر کے عوام کو وجوہات بتا دیں۔
پاکستانی شوبز انڈسٹری کے معروف اور حسین جوڑے حبا بخاری اور آریز احمد نے حال ہی میں ایک پروگرام میں اپنے ذاتی تجربات اور موجودہ تنازعات پر گفتگو کی ہے۔
اداکاروں نے بتایا کہ شادی شدہ زندگی میں ایک دوسرے کا بھرپور ساتھ ہمیں مشکل حالات میں بھی ہمت بخشتا ہے۔
انہوں نے اپنے والدین بننے کے تجربات، ذمے داریوں اور نئے چیلنجز پر روشنی بھی ڈالی۔
دونوں کا کہنا ہے کہ نئی زندگی کے آغاز کے ساتھ ساتھ ہمیں سیکھنے اور آگے بڑھنے کا موقع ملا ہے، جس سے اپنی ذاتی اور پیشہ ورانہ زندگی میں توازن برقرار رکھ پاتے ہیں۔
انہوں نے نادیہ خان کے تنازع کا بھی ذکر کرتے ہوئے کہا کہ نادیہ خان نے میرے حاملہ ہونے کی خبر اس وقت جاری کی جب صرف میرے عزیزوں اور گھر والوں کو ہی اس بات کا علم تھا۔
آریز احمد نے واضح کیا کہ اگرچہ انڈسٹری میں تقریباً ہر کوئی اس بارے میں آگاہ تھا مگر ہم نے ذاتی معاملے کو مہذب انداز میں راز رکھا، اس اقدام پر نادیہ خان کے خبر لیک کرنے کے اقدامات نے تنقید اور منفی ردِعمل کو جنم دیا۔
حبا بخاری نے نجی چینل کی ایوارڈز تقریب کے دوران حمل سے متعلق تنقید کا بھی ذکر کیا اور تسلیم کیا کہ ہر شخص کی اپنی رائے ہوتی ہے اور بعض اوقات ایسی رائے دل آزاری کا باعث بن جاتی ہے۔
انہوں نے اس بات پر زور دیا کہ میں اپنے آپ پر توجہ مرکوز کرتی ہوں اور کسی بھی تنقید کو اپنی ذات پر اثر انداز نہیں ہونے دیتی۔
آریز احمد نے اپنی بیوی کی حمایت میں کہا کہ حمل ایک قدرتی عمل ہے اور معاشرتی رویے میں بھی اسے اسی طرح قبول کیا جانا چاہیے، کیونکہ کوئی بھی عورت صرف حاملہ ہونے کی بنا پر اپنی صلاحیتوں کو محدود نہیں رکھ سکتی۔
