پاکستان اسٹاک ایکسچینج (پی ایس ایکس) 100 انڈیکس دو دن مثبت رہنے کے بعد آج منفی پر اختتام پذیر ہوگیا۔
پی ایس ایکس بینچ مارک 100 انڈیکس 665 پوائنٹس کم ہو کر ایک لاکھ 13 ہزار 862 پوائںٹس پر بند ہوا۔
کاروباری دن میں 100 انڈیکس 917 پوائنٹس کے بینڈ میں رہا جبکہ انڈیکس کی آج بلند ترین سطح ایک لاکھ 14 ہزار 762 رہی۔
حصص بازار میں آج 64 کروڑ شیئرز کے سودے ہوئے جن کی مالیت 22 ارب 74 کروڑ روپے سے زائد رہی۔
اسی طرح مارکیٹ کیپٹلائزیشن 78 ارب روپے کم ہو کر 14 ہزار 50 ارب روپے ہے۔
