کراچی (جنگ نیوز) چیمپئنز ٹرافی میں پاکستان کے خلاف فتح گر سنچری کے بعد ویرات کوہلی کی دنیا بھر میں تعریف کی جا رہی ہے۔ بھارتی میڈیا کے مطابق فٹبال کی عالمی تنظیم فیفا نے اس کارنامے کے بعد کوہلی کا اسٹار فٹبالر کرسٹیانو رونالڈو سے موازنہ کیا ہے ۔ فیفا کی جانب سے انسٹاگرام پر ریجنل پوسٹ میں دونوں کھلاڑیوں کو ایک ساتھ ملاکر تصویر شیئر کی اور اس پر کیپشن لکھا ’کنگ۔‘ اس پوسٹ پر صارفین کے دلچسپ تبصرے بھی دیکھنے کو مل رہے ہیں۔ خیال رہے کہ کوہلی کرسٹیانو رونالڈو کو اپنا پسندیدہ فٹبالر مانتے ہیں۔
