جنوبی افریقہ کے بیٹر میتھیو بیٹزکے نے کہا ہے کہ ہمارے نوجوان بولرز کےلیے ورلڈ کلاس بیٹرز کے خلاف کھیلنا آسان نہیں تھا۔
نیوزی لینڈ کے خلاف سہ فریقی سیریز کے دوسرے میچ میں ڈیبیو پر ریکارڈ ساز اننگز کھیلنے والے میتھیو بیٹزکے نے قذافی اسٹیڈیم میں پریس کانفرنس کرتے ہوئے کہنا تھا کہ ون ڈے کیریئر میں آہستہ آہستہ آگے بڑھ رہا ہوں، یہ میری اچھی اننگز رہی۔
انہوں نے کہا کہ آغاز میں پچ تھوڑی مختلف تھی، آہستہ آہستہ بہتر ہوئی، 30 اوورز کے بعد پچ بیٹنگ کےلیے بہتر ہوگئی تھی۔
جنوبی افریقی بیٹر کا کہنا تھا کہ نیوزی لینڈ کے دو کوالٹی بیٹرز نے عمدہ بیٹنگ کی، ہمارے بولرز نے بڑی کوشش کی لیکن بدقسمت رہے، اگلے میچ میں کم بیک کریں گے۔
بریٹزکے نے کہا کہ ہمارے نوجوان بولرز کےلیے ورلڈ کلاس بیٹرز کے خلاف کھیلنا آسان نہیں تھا۔ ہم بعد میں بیٹنگ کرتے تو ہمارے لیے زیادہ اچھا ہوتا۔
