قومی آل راؤنڈر شاداب خان کی ملائیکہ ثقلین سے شادی کو ایک سال مکمل ہو گیا۔
شاداب خان نے شادی کی پہلی سالگرہ پر سوشل میڈیا اکاؤنٹ انسٹاگرام پر اپنی ہمسفر، قومی ٹیم کے سابق کوچ ثقلین مشتاق کی بیٹی ملائیکہ ثقلین کو مبارک باد دی ہے۔
شاداب خان نے اپنی اہلیہ کے ہمراہ تصویر شیئر کرتے ہوئے لکھا ہے کہ میری حیرت انگیز بیوی کو سالگرہ مبارک ہو، میری دعا ہے کہ اللّٰہ ہمیں ہمیشہ ایک ساتھ خوش رکھے اور ہمیں مضبوط ایمان اور محبت کے ساتھ اپنی زندگی گزارنے کی توفیق عطاء فرمائے۔
دوسری جانب شاداب خان کی سالی ثناء ثقلین نے بھی اپنی بہن اور بہنوئی کو شادی کی پہلی سالگرہ پر مبارک باد دی ہے۔
اپنے انسٹاگرام اکاؤنٹ پر ثناء ثقلین نے بہنوئی اور بہن کی تصویر شیئر کرتے ہوئے کیپشن میں انہیں ٹیگ بھی کیا ہے۔
انہوں نے لکھا ہے کہ میرے پیاروں کو سالگرہ مبارک ہو، مستقبل میں خوشیوں اور یک جہتی کے لیے محبت اور دعائیں۔
واضح رہے کہ شاداب خان نے 23 جنوری 2023ء کو ملائیکہ ثقلین سے نکاح کیا تھا۔
شاداب خان نے اہلیہ کو شادی کی پہلی سالگرہ کی مبارک باد گزشتہ ماہ جبکہ ان کی سالی نے انہیں سالگرہ کی مبارک باد 2 روز قبل دی ہے۔
پاکستانی کرکٹر شاداب خان کی اہلیہ سابق بین الاقوامی کھلاڑی اور کرکٹ ٹیم کے کوچ ثقلین مشتاق کی صاحبزادی ہیں۔
