پاکستان بزنس فورم نے وزیرِ اعظم شہباز شریف کو خط لکھ کر رمضان سے قبل ضروری اشیاء کی ذخیرہ اندوزی کنٹرول کرنے کا مطالبہ کردیا۔
پاکستان بزنس فورم کی جانب سے کہا گیا ہے کہ حکومت سبسڈی دینے کے بجائے سرکاری نرخوں کو یقینی بنائے، اس وقت چینی کی ذخیرہ اندوزی شروع ہوگئی ہے۔
صدر پی بی ایف خواجہ محبوب الرحمٰن نے کہا ہے کہ مارکیٹ میں ذخیرہ مافیا سرگرم ہے اور مارچ کے ایڈوانس سودے ہو رہے ہیں۔
ان کا کہنا ہے کہ چیف سیکریٹریز کو سخت میکنزم بنانے کا حکم دیا جائے۔
