کراچی (اسٹاف رپورٹر) پریذیڈنٹ ٹرافی گریڈ ون کرکٹ کے چوتھے راؤنڈ میں کے آر ایل نے دفاعی چیمپئن ایس این جی پی ایل کو4 وکٹوں سے شکست دیدی۔ ایس این جی پی ایل کی چار میچوں میں یہ تیسری شکست اور کے آر ایل کی پہلی کامیابی ہے۔ اسٹیٹ بینک نے واپڈا کو دلچسپ مقابلے کے بعد ایک وکٹ سے زیر کر لیا۔ اسٹیٹ بینک اسٹیڈیم میں کے آر ایل کو 207 رنز کا ہدف ملا تھا۔ آخری دن چھ وکٹ پر مطلوبہ اسکور پورا کرلیا۔ اویس ظفر نے 71رنز ناٹ آؤٹ بنائے۔ کے سی سی اے اسٹیڈیم میں اسٹیٹ بینک کو145 رنز کا ہدف ملا تھا ۔
