ایک سو سے زائد ڈکیتیوں میں مطلوب ملزم کراچی پولیس کی حراست سے فرار ہوگیا۔
پولیس کے مطابق ملزم ریاست کو پنجاب سے گرفتار کرکے کراچی منتقل کیا گیا تھا، ملزم گذری تھانے منتقلی کے دوران پولیس ٹیم کو دھوکا دیکر فرار ہوگیا۔
پولیس کے مطابق اہلکار کو معطل کردیا گیا ہے، ملزم نے وارداتوں میں ڈیڑھ سے 2 کروڑ روپے کے زیورات چوری کیے تھے۔
پولیس کا کہنا ہے کہ ملزم کے خلاف پنجاب میں بھی چوری اور ڈکیتی کے مقدمات درج ہیں۔
