ملتان کی انڈسٹریل اسٹیٹ میں ایل پی جی سے بھرا باؤزر دھماکے سے پھٹ گیا، حادثے میں 2 افراد جاں بحق اور 20 زخمی ہوگئے۔
ریسکیو حکام کے مطابق ایل پی جی باؤزر پھٹنے سے ٹکڑے قریبی آبادی پر گرے، لوہے کے ٹکڑے گرنے سے آبادی کے گھر بھی متاثر ہوئے ہیں۔
ریسکیو اہلکاروں کے مطابق فائر بریگیڈ کی 10 گاڑیوں نے فوم اور پانی سے آگ پر قابو پالیا ہے جبکہ کولنگ کا عمل جاری ہے۔
ریسکیو حکام کا کہنا ہے کہ قریبی آبادی میں بھی ریسکیو آپریشن جاری ہے۔
