فرانس میں 2 افراد کو قتل کرنے کی کوشش پر ایک پاکستانی شہری کو 30 سال قید کی سزا سنا دی گئی۔
ذرائع کے مطابق منڈی بہاؤالدین سے تعلق رکھنے والے 29 برس کے ظہیر محمود نے پیرس میں چارلی ہیبڈو میگزین کے سابقہ دفتر کے باہر 25 ستمبر 2020ء کو لوگوں پر خنجر سے حملہ کیا تھا۔
ظہیر محمود کا خیال تھا کہ چارلی ہیبڈو میگزین کا دفتر اب بھی وہاں موجود ہے۔
ظہیر محمود 2019ء میں پاکستان سے غیر قانونی طریقے سے فرانس پہنچا تھا۔
پیرس کی خصوصی فوجداری عدالت کے سامنے جمعرات 23 جنوری کو منفرد مقدمے کی سماعت مکمل ہوئی۔
