نیوزی لینڈ کے اوپنر مارٹن گپٹل نے انٹرنیشنل کرکٹ سے ریٹائرمنٹ کا اعلان کر دیا۔
کرکٹ نیوزی لینڈ کا کہنا ہے کہ مارٹن گپٹل نے 47 ٹیسٹ میں نیوزی لینڈ کی نمائندگی کی۔
سی ای او کرکٹ نیوزی لینڈ اسکاٹ ویننک نے کہا ہے کہ مارٹن گپٹل مختصر فارمیٹ کے بہترین بیٹرز میں سے ایک ہیں۔
نیوزی لینڈ کرکٹ ٹیم کے کپتان ٹام لیتھم کا کہنا ہے کہ مارٹن گپٹل میچ ونر پلیئر تھے۔
واضح رہے کہ مارٹن گپٹل نے نیوزی لینڈ کی 47 ٹیسٹ، 198 ون ڈے اور 122 ٹی ٹوئنٹی میچز میں نمائندگی کی ہے۔
انہوں نے ٹیسٹ میں 2586، ون ڈے میں 7346 اور ٹی ٹوئنٹی میچز میں 3531 رنز بنائے۔
