سعودی عرب کے مختلف شہروں میں گرج چمک کے ساتھ موسلا دھار بارش ہوئی ہے۔ جدہ اور مکہ مکرمہ میں موسلا دھار بارشوں سے نشیبی علاقوں میں پانی جمع ہوگیا۔
بارش سے شہری اور صحرائی علاقے بھی زیر آب آگئے۔ شاہراہیں بارش کے پانی میں ڈوب گئیں اور ٹریفک کا نظام متاثر ہوا ہے۔
سعودی محکمہ موسمیات کے مطابق اگلے تین روز تک پورے سعودی عرب میں موسم غیر یقینی رہے گا۔
سعودی حکام کے مطابق شہری غیر ضروری سفر سے گریز کریں اور نشیبی علاقوں کی طرف نہ جائیں۔
