وفاقی وزیر خزانہ سینیٹر محمد اورنگزیب سے گورنر اسٹیٹ بینک نے اسلام آباد میں ملاقات کی۔
اس موقع پر سال کے آخر میں مالیاتی فریم ورک مضبوط بنانے کیلئے جاری اقدامات کاجائزہ لیا گیا اور شرح مبادلہ مستحکم کرنے اور غیر ملکی ذخائر بڑھانے کی کوششوں پر بھی روشنی ڈالی گئی۔
بینکنگ سیکٹرکی مجموعی کارکردگی اور معیشت میں نمایاں شراکت پر بھی تبادلہ خیال کیا گیا۔
زرمبادلہ اور ترسیلات زر مزید بڑھانے کے اقدامات پر بھی توجہ مرکوز کی گئی۔
