سال 2024 تنازعات والے علاقوں میں بچوں کےلیے تاریخ کا بدترین سال رہا، جس کے باعث کروڑوں بچوں کے حقوق کی خلاف ورزی اور ان کی ذہنی صحت بری طرح متاثر ہوئی۔
اقوام متحدہ کے ادارے یونیسیف کی رپورٹ کے مطابق دنیا کے 47 کروڑ 30 لاکھ سے زیادہ بچے تنازعات والے علاقوں میں موجود ہیں۔ ان میں سے 4 کروڑ 72 لاکھ بچے بے گھر ہوگئے ہیں۔
غزہ پر اسرائیلی حملوں میں پندرہ ماہ میں 17ہزار چار سو سے زیادہ بچے مارے گئے، جبکہ متاثرہ ممالک میں 5 کروڑ 20 لاکھ سے زیادہ بچے اسکول جانے سے محروم ہیں۔
