تباہ حال غزہ کی واحد فعال کیتھولک عبادت گاہ چرچ آف دی ہولی فیملی میں اتوار کی صبح جذباتی دعائیہ تقریب منعقد کی گئی اور خطے میں امن کے لیے دعائیں کی گئیں۔
اس کے علاوہ بیت المقدس، بیت اللحم اور دیگر علاقوں کے گرجا گھروں میں بھی غزہ کے لیے خصوصی دعائیں کی گئیں۔
مسیحی مذہبی رہنماؤں کے مطابق دعائیہ تقریبات میں امن، صبر اور تحفظ کے لیے (The Lord’s Prayer) پڑھی گئی۔
یہ تقریبات ایسے وقت میں ہوئیں جب چند دن پہلے اسرائیلی بم باری میں غزہ کے چرچ کو نشانہ بنایا گیا تھا، جس کے نتیجے میں 2 افراد مارے گئے تھے۔
ہفتے کو بیت المقدس کے مسیحی رہنما پادری پیئر باتیستہ پیٹسہ بالا نے غزہ کے متاثرہ گرجا گھر کا دورہ کیا اور ہولی فیملی چرچ میں مسیحی آبادی سے ملاقات کی۔
اس موقع پر انہوں نے متاثرہ خاندانوں سے بات کی، ان کا حوصلہ بڑھایا اور یکجہتی کا پیغام دیا۔
