وفاقی وزیر ریلوے حنیف عباسی نے راولپنڈی ریلوے اسٹیشن کا اچانک دورہ کیا ہے۔
اس موقع پر انہوں نے راولپنڈی ریلوے اسٹیشن کے واش رومز، دفاتر، پلیٹ فارمز اور اسٹالز کا معائنہ کیا۔
وزیرِ ریلوے حنیف عباسی ریلوے نے اسٹیشن پر ریلوے ٹریک کا بھی جائزہ لیا، انہوں نے ریلوے اسٹیشن پرصفائی کے ناقص انتظامات اور ناکافی سہولتوں پر برہمی کی اظہار کیا۔
حنیف عباسی اس موقع پر ریلوے حکام پر برہم ہو گئے اور ان سے مخاطب ہو کر کہا کہ خدا کا خوف کریں، یہ سب کیا ہے؟ یہ ہر گز برداشت نہیں کروں گا۔
انہوں نے کہا کہ لوگ کتنی دور دور سے آتے ہیں، انہیں اچھا ویٹنگ ایریا دینا آپ کا فرض ہے، ریل عوام کی سواری ہے، اسے خدمت کی اعلیٰ مثال بنانا ہے۔
وفاقی وزیرِ ریلوے نے کہا کہ فوری بہتری نہ ہوئی تو سخت کارروائی ہو گی۔
انہوں نے ریلوے اسٹیشن پر اچھے اور الیکڑانک بورڈز کی تنصیب کی بھی ہدایات کی۔
