امریکی نمائندہ خصوصی برائے شام تھامس براک نے بتایا کہ اسرائیل اور شام کے درمیان جنگ بندی پر اتفاق ہو گیا ہے۔
غیر ملکی میڈیا کے مطابق ترکیہ میں امریکی سفیر اور شام میں امریکا کے نمائندہ خصوصی تھامس براک نے معاہدے کی تفصیلات کے حوالے سے بتایا کہ معاہدہ ترکیہ، اردن اور دیگر ممالک کی حمایت سے ممکن ہوا۔
تھامس باراک نے مزید کہا کہ اب تمام متحارب فریق ہتھیار ڈالیں اور شام کی تعمیر میں حصہ لیں۔
شامی میڈیا کے مطابق شامی وزارتِ دفاع نے بدو ملیشیا کو سویدا شہر چھوڑ نے کا حکم دیا، جس کے بعد شامی سکیورٹی فورسز جنگ بندی کی دفعات پر عمل درآمد کے لیے شہر میں داخل ہوں گی۔
